البنات هما البنات ؟؟ من أراء شيكو

أزيكم يا بنات المنتدى أنا عايز اتكلم فى موضوع مهم انت الشباب لما بيتكلم عليكم كذا وكذا ايه بيبقى شعوركم وبرضه للشباب حرية الرأى ودا جزء صغنون من اللى بيقولوا

البنات هما البنات م الجنه طلعونا
والى جاى نفس الى فات ناويين يجننونا

عالم غريب تملى عايزين ايه مننا
ناويين على العقل ولا على حرقة دمنا
طب ليه ادم يا حوا نفسى فى حالنا تسيبونا

اسمع يا عم منى كلمه من غير نفاق
عشان وانت نبقى تملى اصدقاء
امشى فى حالك وسيبهم عشان هما يسيبونا

واسمعها منى حكمه دا طبع فى البنات
خداع وكدب دايما وقلة انضباط

نديهم الامان وهما بيخونونا
واسمع كلام مجرب هيقلك الحكايه
من اول الطريق ولاخر النهايه
وانت بعقلك تفكر علشان ما يتوهونا
ان جيت حبيت فى مره تسوق لك فى الدلال
دباديب وورد جايب وتعمل المحال
علشان نظرة رضا وهما يعذبونا

وان جيت عاكست مره تضح لك فى البدايه
بسمه ونظره وسلام والقلبه فى النهايه
وان جيت وقلت ليه بالجزمه ينفضونا

تفضل تقول بحبك ما اقدرش استغنى عنك
ياريتنى اى حاجه بس ابقى قريبه منك
وان جيت سلمت قلبك فى الاخر يقلبونا
والوقتى بمينى جيب والبادى والاستريتش
ناويين يا ناس يا هوه للنار يدخلونا

فى البيت تفضل تقلك تملى هات وهات
ميكياج وروج ولبس وتدفع من سكات
وان جيت فى يوم عندت فى الشارع يفضحونا
وان جيت غلطت مره غصب عنك كمان
تقلك اه يا خاين بتخونى من زمان
وتلم هدومها طبعا وتقول لك طلقونا
تجرى وراها تصالحها وتطلب الرجاء
تغضب وتقول لايمكن وتطلب الطلاق
وان قلت مش هطلق فى الاخر يخلعونا

انا عارف ان فيهم بنات بنات حلال
فى الخير والانسانيه مالهم مثال
لكن فين نلاقيهم دول هما الى يعجبونا

وان يوم صادفنا منهم نسأل نتحرى عنهم
وان رحنا عشان نخلص م الممكن يرفضونا

طب ليه ياعم دايما فى الهم تعيش حزين
لو بس تنفض انت وتخلى هواك رزين
وتقول مالنا ومالهم هما الى هيطلبونا
روق ياعم روق وارمى الى فات وراك

فكر فى دنيا تانيه مافيهاش بنات معاك
راح تلقى الدنيا جنه ولا يوم يبهدلونا
البنات هما البنات م الجنه طلعونا